Արցախի վարչապետը վստահեցնում է` ամռանը գները կնվազեն

Խոսելով պարենային ապրանքների գնաճի մասին` վարչապետը վստահեցրել է, որ ամռան ամիսներին մի շարք ապրանքատեսակների մասով գնային կտրուկ անկում է  լինելու, այն էլ` բավական մեծ տոկոսներով, ինչի համար, ըստ նրա, ստեղծվում են համապատասխան պայմաններ` տարբեր ճյուղերում:

Արդեն փորձեր են արվում հնդկաձավարի, ոսպի, արեւածաղկի եւ ռապսի մշակության ուղղությամբ: «Արցախում այդ ապրանքները արտադրվելու են, եւ 2-3 տարի հետո հնարավոր է լինելու բավարարել մեր ներքին սպառման ծավալները»,- հավաստիացրել է Արա Հարությունյանը:

Նրա տեղեկացմամբ` արդեն լուրջ հաջողություններ կան արեւածաղկի ու ռապսի մշակության բնագավառում, ինչը հնարավորություն կտա կազմակերպել բուսական յուղի արտադրությունը: «Մի քանի ամսից Ղարաբաղում արդեն կսկսեն ձեթ արտադրել, որը որակական առումով շատ ավելի բարձր է լինելու»,- վստահեցրել է վարչապետը:

Եգիպտացորենի մշակումն էլ արդեն իր արդյունքները տալիս է, այժմ աշխատանքներ պետք է կատարվեն նաեւ շաքարի արտադրության հումքի մշակման ուղղությամբ: