ԱՄՆ-ի վրա մատ է թափ տվել

Սաուդյան Արաբիայի թագավոր Աբդուլլան ԱՄՆ նախագահ Բարաք Օբամայից խստորեն պահանջել է պաշտպանել Հոսնի Մուբարաքի վարչակարգը. գրում է The Times թերթը:

Հեռախոսազրույցում միապետը հասկացրել է, որ ԱՄՆը պետք է ամեն հնարավորն անի, որ Եգիպտոսի նախագահը պաշտոնավարի մինչեւ իր լիազորությունների ավարտը եւ հեռանա արժանապատվորեն՝ նվաստացումների չենթարկվելով:

Թագավորը ԱՄՆ նախագահին հիշեցրել է նաեւ, որ Մուբարաքը ոչ միայն երկու երկրների կարեւոր դաշնակիցն է տարածաշրջանում, այլեւ իր մտերիմ ընկերը:

Սաուդյան միապետի անհանգստության պատճառը, ըստ The Times-ի, Մուբարաքի տապալման երկու հնարավոր հետեւանքներն են. նախ՝ իսլամականների դիրքերի կանխատեսվող ուժեղացումը, ընդհանրապես, եւ Իրանինը՝ մասնավորապես, երկրորդ՝ եգիպտական իրադարձությունների կրկնության հավանականությունը թագավորությունում: