Որդեգրել են լողացող փոխարժեքի վարքագիծ, բայց...

«Արժութային շուկայում որդեգրելով լողացող փոխարժեքի վարքագիծ` ԿԲ-ն թեեւ երբեմն միջամտում է արժութային շուկային, բայց այդ միջամտություններն ուղղված են սեզոնային հոսքերի պատճառով մեծ տատանումները հարթելուն, եւ որեւէ մակարդակ ձեւավորելու նպատակ չունեն»,- պատասխանելով լրագրողների հարցերին` հայտարարել է ԿԲ դրամավարկային վարչության ղեկավար Արթուր Ստեփանյանը:

Նրա փոխանցմամբ` ԿԲ-ի քաղաքականությունը դրամավարկային պայմանների խստացում եւ ապադոլարացման միջոցառումներ է ենթադրում, ինչպես նաեւ հարկաբյուջետային քաղաքականության հնարավորինս զսպում, ինչը, բնականաբար, հող է ստեղծում արժութային շուկայում կայուն փոխարժեքի ձեւավորման ու պահմանման համար եւ վերահսկում է բոլոր այն սպեկուլյատիվ հարձակումները, որոնք կարող են տեղի ունենալ արժութային շուկայում: