Վախենում են խոսել իրենց արմատների մասին

Դերսիմում բնակվող բոլոր ցեղատոհմերի մեջ անպայման հայկական արմատներ կգտնեք. այսօր լրագրողների հետ հանդիպման ժամանակ ասաց Թուրքիայում գործող՝ Դերսիմի հայերի դավանանքի և փոխօգնության միության հիմնադիր Միհրան Փրկիչ Գյուլթեքինը: Վերջինիս համոզմամբ` միայն վախն է պատճառը, որ մարդիկ չեն կարողանում խոստովանել իրենց հայկական արմատների մասին:

Սակայն դեմ առ դեմ հանդիպումների ընթացքում չեն ժխտում, որ իրենք հայեր են, արմատներին չեն վերադառնում, որովհետեւ բարդույթներ ունեն, որ իրենց չեն հասկանա:

Միհրանի ընտանիքում եւս հայկական արմատներին վերադառնալու խնդիրը շատ է քննարկվել, քանի որ Դերսիմում նրանք հայտնի են եղել որպես հայի ընտանիք: «Արխիվներին ծանոթանալուց հետո ես դիմեցի դատարան` փոխեցի անունս, իսկ հետո հիմնեցի այս միությունը` Դերսիմի հայերի դավանանքի և փոխօգնության միությունը»,- պատմում է Միհրան Փրկիչը:

Հիմա նա փորձում է նաեւ հայերեն սովորել: