Առաջին օրը վճարվել է 1 մլրդ դրամ

Կենսաթոշակների վճարումն այս ամիս սկսվել է փետրվարի 2-ից, եւ առաջին իսկ օրը վճարվել է շուրջ 1 մլրդ դրամ. այսօր կառավարության նիստում տեղեկացրել է աշխատանքի եւ սոցիալական հարցեր նախարար Արթուր Գրիգորյանը:

Նա հավաստիացրել է, որ հերթերի գոյացման հարցն էլ է կարգավորվելու:

Նախարարը շեշտել է, որ թոշակառուի փոխարեն կենսաթոշակ կարելի է ստանալ միայն լիազորագրով, ընդ որում` այդ փաստաթուղթը հարկավոր է ներկայացնել ոչ թե փոստային բաժանմունք, այլ սոցապ ծառայության տարածքային բաժին` գրանցվելու համար:

Ա. Գրիգորյանը նաեւ հայտնել է, որ ստեղծվել է աշխատանքային խումբ, որը ճշգրտելու է ցուցակները եւ պարզելու` չարաշահումներ եղե ՞լ են, թե ՞ ոչ: