Կեղծ ահաբեկիչները շատացել են

Վերջին երեք օրերի ընթացքում Մոսկվայում ձերբակալվել է 7 մարդ, այդ թվում` 2 անչափահաս, ովքեր պայթուցիկ սարքի մասին կեղծ ահազանգեր են կատարել:

Ռուսական իրավապահ մարմինները հաղորդում են, որ «Դոմոդեդովո»-ում տեղի ունեցած պայթյունից հետո «հեռախոսային ահաբեկչությունները» շատացել են:

Հունվարի 28-ին 2 տղամարդ է ձերբակալվել. նրանք հայտնել էին, թե Կրեմլում իբր պայթուցիկ կա տեղադրված: Տղամարդիկ եղել են ոչ սթափ վիճակում եւ իրենց արարքը կատակ են որակել:

Նույն օրը ձերբակալվել են նաեւ երկու 11 տարեկան երեխաներ: Նրանք վերելակում հաղորդագրություն են կպցրել, թե շենքում իբր պայթուցիկ սարք տեղադրված: Հաղորդագրությունը կարդացել է մի կին եւ զանգահարել է ոստիկանություն: Երեխաների ծնողները  պետք է տուգանք վճարեն: