Եգիպտոսի իշխանությունները զորքեր են մտցրել Կահիրե

Եգիպտոսի իշխանությունները զորքեր են մտցրել երկրի մայրաքաղաք Կահիրե: Նրանք հսկողության տակ են վերցնում քաղաքի կարեւոր օբյեկտները: Այս մասին հաղորդում են արտասահմանյան լրատվամիջոցները: Այսօր Եգիպտոսում նախատեսվում են բողոքի զանգվածային ակցիաներ` մի քանի հազար մարդկանց մասնակցությամբ: Դրանք պետք է սկսվեն հետկեսօրյա աղոթքից հետո: Որոշ տվյալներով` Կահիրեից տանող գլխավոր ճանապարհներին տեղակայվել են ահաբեկչության դեմ պայքարի հատուկ նշանակության ուժերի հենակետեր:

Նախօրեին Եգիպտոսի իրավապահ մարմինները ձերբակալել էին «Եղբայր մահմեդականներ» իսլամական կուսակցության երեք առաջնորդների: Այդ խմբակցության անդամները եւս, ինչպես կասկածում են տեղի իշխանությունները, պատրաստվում են մասնակցել բողոքի այսօրվա գործողություններին:

Հիշեցնենք, որ այս շաբաթ զանգվածային ելույթների ալիք էր բարձրացել ամբողջ Եգիպտոսում£ Մարդիկ դժգոհ են կոռուպցիայից եւ գործազրկությունից:

Ընդդիմությունը տեղեկացնումմ է, որ հուզումների ժամանակ ոստիկանությունը սպանել է ինը մարդ եւ կալանել ավելի քան հազար ցուցարար: Եգիպտոսի ԱԳՆ ներկայացուցիչները հայտնում են 500 ձերբալվածի մասին: