ՀԱՅԿԱԿԱՆ ԺԱՄԱՆԱԿ. Դարձավ նախարար, կորցրեց հիշողությունը

«Ես հիմա չեմ հիշում»,- երեկ իր առաջին ասուլիսի ժամանակ  այսպես պատասխանեց ՀՀ գյուղատնտեսության նորանշանակ նախարար Սերգո Կարապետյանը մեր թղթակցի այն հարցին, թե ովքեր են «Արտֆուդ» ընկերության սեփականատերերը:

Ներկայումս գյուղատնտեսության նախարար, իսկ մինչ այդ  «Արտֆուդ» ընկերության ղեկավար Սերգո Կարապետյանին այդ հարցն ուղղելու հիմք էր ստեղծել հենց նախարարը, որն իր ասուլիսը սկսեց հավստիացումներով, թե ինքը կողմ է «բաց եւ թափանցիկ» աշխատանքի:

Ինչով է պայմանավորված մինչեւ անցած տարվա դեկտեմբերի 31-ը «Արտֆուդի» գլխավոր տնօրենի պաշտոնը զբաղեցրած Սերգո Կարապեըյանի հիշողության այդպիսի անսպասելի կորուստը:Գուցե ճի՞շտ են այն խոսկացությունները, թե «Արտֆուդի» բաժնետոմսերի հիմնական մասը վերահսկում է ՀՀ ԱԺ նախագահ Հովիկ Աբրահամյանը: Այդ փաստը, ճիշտն ասած, լիովին բավարար է հիշողության կորստի համար: