Եվրախորհրդարանը սպառնում է ռուս չինովնիկներին

Եվրախորհրդարանի պատգամավորները պահանջել են վերանայել ռուս չինովնիկների դեմ տնտեսական եւ վիզայի հետ կիապված սանկցիաները:  

Եվրախորհրդարանի մարդու իրավունքների ենթահանձնաժողովի նիստը բացելով` պատգամավոր Հեյդի Հաուտալան (Ֆինլանդիա) իր ելույթի հիմնական մասը նվիրել է Խոդորկովսկու դեմ կայացված վճիռը քննադատելուն: Պատգամավորը երկրորդ դատական գործը անվանել է «Ռուսաստանում դատական համակարգի ձախողում»:

«Ռուսական դատական համակարգը  եւ իր կաշառակեր դատարանը առանց որեւէ դժվարության  մեղադրական վճիռ կայացրեց Խոդորկովսկու դեմ: Այսքան քաղաքականացված դատական համակարգը, որը բացահայտորեն ոտնահարում է օրենքի գերակայությունը, թույլ չի տալիս վստահելի համարել երկրում բարեփոխումներ կատարելու մասին խոսկացությունները»,- ասել է Եվրախորհրդարանի ենթահանձնաժողովի ղեկավարը:

Լիբերալ-դեմոկրատական կուսակցության ներկայացուցիչ Կրիստինա Օյուլանդի գլխավորությամբ խորհրդականները խնդրել են իրենց գործընկերներին ռուս չինովնիկների դեմ տնտեսական եւ վիզայի հետ կապված սանկցիաներ կիրառելու մասին`  Խոդորկովսկու եւ Լեբեդեւի դեմ անարդար եւ քաղաքական դրդապատճառներով վճիռ կայացնելու համար:

Հիշեցնենք, որ դատավոր Վիկտոր Դանիլկինը դեկտեմբերի վերջին Խոդորկովսկու եւ Լեբեդեւի դեմ մեղադրական վճիռ էր կայացրել: Նրանք երկուսն էլ ազատազրկվել են 14 տարով: Այս մասին հաղորդում է  «Газета.Ru»-ն: