Ցեղասպանության ճանաչումը ԱՄՆ-ին պետք է մտահոգի

ԱՄՆ-ի կողմից Հայոց ցեղասպանության ճանաչման հարցը առաջին հերթին պետք է մտահոգի հենց ԱՄՆ կոնգրեսականներին ու սենատորներին, քանի որ իրենց երկիրը ողջ աշխարհում հայտնի է որպես դեմոկրատիայի եւ արդարության ջատագով ու պաշտպան:

«Նրա խնդիրն է ճանաչել մարդկության դեմ իրականացված ամենամեծ մեղքը: Հակառակ դեմքում նրա այդ համբավը կսկսի երերալ»,- այսօր լրագրողների հետ հանդիպման ժամանակ ասաց թուրքագետ Ռուբեն Մելքոնյանը:

Սակայն թուրքագետը նշեց նաեւ, որ ցավոք սրտի, այս հարցը միշտ քաղաքականացվել եւ բազմիցս շահարկվել է: Եվ անկախ այն բանից, թե ԱՄՆ-ի նախագահը ով կլինի` հանրապետակա՞ն, թե` դեմոկրատ, ԱՄՆ-ն Ցեղասպանության մասին կունենա այն դիրքորոշումը, որը կբխի իր պետական շահից: