ՀԱՅՈՑ ԱՇԽԱՐՀ. Հայերը հրաժարվում են թռչել Մոսկվա

Սոցիալական ցանցերում տեղեկություն էր տարածվել, թե Երեւանից դեպի Մոսկվա թռչող օդանավը երեկ առավոտյան ուղեւորվել է ընդամենը 7 ուղեւորով, իսկ մյուսները հանձնել են տոմսերը: Պատճառը, ըստ շրջանառվող խոսակցությունների, Մոսկվայում վերջին օրերին տեղի ունեցած անկարգություններն են:

Սակայն այս տեղեկությունը Հայաստանի ազգային ավիափոխադրող «Արմավիա» ընկերության մամուլի քարտուղար Նանա Ավետիսովան հերքեց. «Ոչ մի նման բան չկա, ամեն ինչ ընթանում է նորմալ` ըստ ժամանակացույցի ու չվացուցակի»:

Հիշեցնենք, որ Մոսկվայում մի քանի օր է, ինչ ազգայնականների կողմից մասսայական անկարգություններ են կազմակերպվում, որոնց ընթացքում բազմաթիվ մարդիկ կամ կալանավորվել են, կամ վիրավորվել: