Թայվանում դեռ շներ են ուտում և անպատիժ մնում

Կենդանիների իրավունքների պաշտպանության ակտիվիստները բողոքում են Թայվանի դատախազության՝ շներին ուտելու նպատակով սպանած հինգ մեղադրյալների վրայից մեղադրանքները հանելու որոշման դեմ: 

Նրանք մեծ ցույց են պլանավորում՝ կենդանիներին վնասելու դեմ ավելի խիստ օրենքներ պահանջելու համար: Ըստ ակտիվիստների՝ գործող օրենքը չափից շատ ապացույցներ է պահանջում` մեղքը հաստատելու համար:

Ակտիվիստներից Ռուան Մեի-լինգն ասել է, որ հինգ տղամարդկանց բռնել են երկու շուն սպանելուց: Նրանք շներին կախել են ծառից և խորովել: Դատախազն անցած շաբաթ հանել է նրանց վրայից մեղադրանքները՝ պատճառաբանելով, որ շների մարմինների վրա բռնության հետքեր չեն եղել, և մեղադրյալներին շան միսն ուտելուց չեն բռնացրել:

Թայվանցիներից շատերը դեռ հավատում են, որ շան միսը սննդարար է: