Իսրայելում բռնկված հրդեհը քիչ թե շատ վերահսկողության տակ է

Երեկ երեկոյան Իսրայելի ոստիկանության աշխատակիցը հայտարարել է, որ Իսրայելի հյուսիսում բռնկված և չորս օր տևած անտառային հրդեհը «քիչ թե շատ վերահսկողության տակ է»:

Տարածքի գյուղերից տարհանված հազարավոր մարդիկ վերադառնում են իրենց տները:

Կիրակի օրը նաև թաղումների օր էր ամբողջ երկրում: Հարազատները հրաժեշտ են տվել հրդեհի 41 զոհերին:

Երբ վնասն արդեն անցած է եղել, իշխանությունները սկսել են զբաղվել հրդեհի առաջացման պատճառներով: Ըստ ոստիկանության աշխատակցի՝ 14 և 16-ամյա երկու եղբայրներ, ովքեր կրակն անփութությամբ սկսելու մեջ են կասկածվում, կիրակի օրը կանգնել են  դատարանի առջև: Նրանց փաստաբանը և ազգականները հերքում են նրանց առաջադրված մեղադրանքը: