ՀԱՅԱՑՔ. Սատանայապաշտների վարկածն էլ պետք է քննել

Նոյեմբերի 4-ին հայտնաբերվել է ահասարսուռ ոճրագործության մասին վկայող մի դիակ:

1968թ. ծնված Երևանի բնակիչ Երազիկ Բադալյանին Մասիսի գերեզմանոցի տարածքում սպանել էին քարերով գլխին բազմաթիվ հարվածներ հասցնելով, ընդ որում՝ կինն ամբողջովին մերկ է եղել: Դատաբժշկական փորձաքննությամբ պարզվել է, որ սպանված կինը սեռական բռնության ենթարկված չէ: Այդ դեպքում երիտասարդ կնոջն ինչո՞ւ են սպանել, այն էլ՝ քարերով և ամբողջովին մերկացնելով:

Կարծում ենք, որ նախաքննությունը, որոշ հանգամանքներից ելնելով, պետք է հաշվի առնի նաև այդ սպանությունը սատանայապաշտի կողմից կատարած լինելու վարկածը:

Մարդուն մերկ վիճակում սպանելը՝ սատանայապաշտների շրջանում ընդունված է, քանի որ նրանք զոհն իրենց աստծուն (Սատանային) մատուցում են այն վիճակում, որով նա ծնվել է: