Վարձավճարի բարձրացումը զայրացրել է ուսանողներին

Տասնյակ հազարավոր բրիտանացի ուսանողներ են մասնակցել իշխանությունների` ուսման վարձավճարը բարձրացնելու մտադրության դեմ կազմակերպված խաղաղ ցույցին: Սակայն գործն առանց բախումների չի ավարտվել: Ուսանողները ծեծել են մի քանի ոստիկանների և այրել նրանց ավտոբուսը: Կարգուկանոնի պաշտպաններն էլ, իրենց հերթին, 15 ցուցարարների են ձերբակալել՝ հասարակական ունեցվածքը փչացնելու պատճառով, տեղեկացնում է Euronews-ը:

2012-ից բարձրագույն կրթության տարեկան վարձը կկազմի 11 հազար եվրո (երեք անգամ ավելի այս տարվա վարձի համեմատ): Վարձավճարի բարձացումը զայրացրել է նաև դասախոսներին, քանի որ ուսման վարձի կտրուկ բարձրացման դեպքում, ամենայն հավանականությամբ, նրանցից շատեը կզրկվեն աշխատանքից, որովհետև բարձրագույն կրթություն ստանալ ցանկացողների թիվը խիստ կնվազի: