Տուբերկուլյոզն օդանավակայանից

«Միանգամից օդանավակայանից մարդկանց բերում են դինսպանսեր, հայտնաբերվում է տուբերկուլյոզ հատկապես տղամարդկանց մոտ, հանդիպում են նաև ՁԻԱՀ-ով հիվանդներ: Նրանք հայրենիք են վերադառնում արտագնա աշխատանքից»,- ասաց Երևանի պետական բժշկական համալսարանի թիզապուլմոնոլոգիայի ամբիոնի դոցենտ Լյուբով Նիկոլայանը:

Ըստ մասնագետի, այդ հիվանդները լիովին չեն բուժվում և կրկին մեկնում են արտագնա աշխատանքի, սրանք բարձիթողի դեպքեր են, որոնք չեն գտնվում ամենօրյա հսկողության դաշտում և դժբախտաբար ավարտվում են մահով:

«Մահացության դեպքերի 50 տոկոսը լինում են այն ժամանակ, երբ արդեն հիվանդանալուց անցել է 1 տարի, հիվանդները չեն համբերում մինչև բուժումն ավարտվի»,- լրագրողների հետ հանդիպմանն ասաց Նիկոլայանը:

Տուբերկուլյոզի բուժումը, որպես կանոն, կատարվում է հակատուբերկուլյոզային դեղամիջոցներով, որոնք նշանակվում են երկար ժամանակով (9-12 ամիս, երբեմն` նույնիսկ ավելի):