Յունիբանկը ստացել է հաճախորդների պաշտպանության միջազգային հավաստագիր

Յունիբանկը հաստատել է իր համապատասխանությունը հաճախորդների պաշտպանության միջազգային չափանիշներին։ Բանկը ստացել է հաճախորդների պաշտպանության հավաստագիր MFR միջազգային վարկանիշային գործակալությունից։

Հավաստագրումը հաստատում է, որ բանկի հաճախորդների սպասարկումը համապատասխանում է միջազգային չափանիշներին և արտացոլում է առաջընթացը լավագույն փորձի ներդրման ուղղությամբ։

Յունիբանկը վարում է հաճախորդակենտրոն քաղաքականություն և հետևողականորեն կիրառում է թափանցիկության, հաճախորդների նկատմամբ արդար վերաբերմունքի և պատասխանատու գնագոյացման սկզբունքները։

Այսօր բանկը սպասարկում է Հայաստանի աշխատունակ բնակչության ավելի քան մեկ երրորդին՝ 50 մասնաճյուղերի, 400 պրոմո կետերի և թվային լուծումների միջոցով։ Բանկն առաջիններից էր Հայաստանում, որ ներդրեց արհեստական բանականության վրա հիմնված վարկային սկորինգ։