Թրամփը Ազգային գվարդիա է ուղարկել Օրեգոն` «օրենքն ու կարգը վերականգնելու» համար

ԱՄՆ նախագահ Դոնալդ Թրամփը Ազգային գվարդիայի ստորաբաժանումներ է ուղարկել Օրեգոն` «սաստկացող անօրինականության» և դաշնային ծառայողների վրա հարձակումների պատճառով: Այս մասին հայտնում է ՌԻԱ Նովոստին։

«Մեր հիանալի դաշնային սպաները չկարողացան ապահովել Օրեգոնում օրենքի կատարումը: «Անտիֆան» և արմատական ձախ անարխիստները դաժանորեն հարձակվել են մեր տղամարդկանց և կանանց վրա, որոնք պաշտպանում են դաշնային սեփականությունը և ապահովում են օրենքի կիրառումը»,-ասել է Թրամփը:

Պետության ղեկավարն ընդգծել է, որ Ազգային գվարդիան ներգրավվել է «օրենքն ու կարգը վերականգնելու, քաոսը, մահն ու ավերածությունները դադարեցնելու համար»։

«Մենք օրենքի ազգ ենք և մենք հաղթելու ենք»,-հավելել է Թրամփը:

Հիշեցնենք՝ ավելի վաղ Դոնալդ Թրամփը ազգային գվարդիա էր ուղարկել Չիկագո։