Ստամբուլում մաhացել է գերաշնորհ Տ. Գարեգին արքեպիսկոպոս Պէքճեանը

Այսօր առավոտյան Ստամբուլի Ս. Փրկիչ ազգային հիվանդանոցում մահացել է գերաշնորհ Տ. Գարեգին արքեպիսկոպոս Պէքճեանը: Պոլսո հայոց պատրիարքությունից հայտնում են, որ Ն.Ա.Տ. Սահակ Բ. Սրբազան Պատրիարք Հայրը արքեպիսկոպոսի մահվան մասին արդեն տեղեկացրել է Ամենայն Հայոց կաթողիկոս Գարեգին Երկրորդին։

Սրբազան հոր մարմինը տեղափոխվել է Ս. Աստուածածին Աթոռանիստ Մայր Եկեղեցի։ Օծման և հուղարկավորության մասին կհաղորդվի լրացուցիչ։

Գարեգին արքեպիսկոպոս Պէքճեանը ծնվել է 1942 թվականին Ստամբուլում։ 1992-2018 թթ. եղել է Գերմանիայի հայոց թեմի առաջին առաջնորդը,  2017-2019 թթ. եղել է Գերագույն հոգևոր խորհրդի անդամ,  2017-2019 թվականներին եղել է Պոլսո հայոց պատրիարքության տեղապահը:

Սրբազան հայրը Երանաշնորհ Գարեգին Ա. Ամենայն Հայոց Կաթողիկոսի կողմից արժանացել է Սուրբ Ներսես Շնորհակլի շքանշանին։