Պեկինը հերքում է Նազարբաևի` Չինաստանում գտնվելը

Ղազախստանի նախկին նախագահ Նուրսուլթան Նազարբաևի Չինաստանում գտնվելու մասին լուրերը կեղծ են. հայտարարել է ՉԺՀ ԱԳՆ մամուլի ծառայությունը։

Ավելի վաղ ԶԼՄ-ները տեղեկություն էին տարածել, թե իբր Նազարբաևը փախել է Չինաստան։

«Սա բացարձակ սուտ տեղեկություն է։ Մենք ուշադրություն դարձրեցինք, որ Ղազախստանի նախկին նախագահի մամուլի քարտուղարն ասել է, որ Նազարբաևն այժմ գտնվում է երկրի մայրաքաղաք Նուր Սուլթանում»,- «ՌԻԱ Նովոստի»-ին ասել են Չինաստանի ԱԳՆ-ից։

Նշենք, որ, զանգվածային բողոքի ցույցերի ու անկարգությունների ֆոնին, ղազախական լրատվամիջոցներում սկսեցին հայտնվել տեղեկություններ այն մասին, որ Նուրսուլթան Նազարբաևն ու նրա դուստրերն ընտանիքներով լքել են երկիրը։