ՄԱԿ-ն Իսրայելին դատապարտել է բեդվինների տները քանդելու համար

ՄԱԿ-ի Մարդու իրավունքների պաշտպանության հարցերով հատուկ զեկուցող Մայքլ Լինքը դատապարտել է Պաղեստինյան տարածքներում՝  Հորդանան գետի արևմտյան ափի հյուսիս-արևելքում գտնվող Խըմսա ալ Բակիա շրջանում, բեդվին ընտանիքների տների քանդումը և կոչ է արել Թել Ավիվին միջազգային պատասխանատվության ենթարկել:

Լինքը Իսրայելի գործողություններն անվանել է անօրինական և դաժան՝ կոչ անելով միջազգային հանրությանը՝ ճնշում գործադրել այս երկրի իշխանությունների վրա:

Հուլիսի 7-ին Իսրայելի անվտանգության ուժերը քանդել են բեդվինների 27 բնակելի տներ, ոչնչացրել 38 տնտեսական շինություններ և ջրամբարներ, ինչպես նաև բռնագրավել Խըմսա ալ- Բակիա գյուղի բնակիչների ունեցվածքը:

Իսրայելի գործողությունների պատճառով 70 ընտանիքներից 11-ը, այդ թվում՝ 35 երեխա, կորցրել են իրենց տները: