Ադրբեջանի ԱԻՆ-ը լուսանկար և տեսանյութ է հրապարակել Կասպից ծովում հրաբխի ժայթքման վայրից

Կասպից ծովում հրդեհի մասին տեսանյութը նախորդ գիշեր տեղադրվել է սոցիալական ցանցերում և լրատվամիջոցներում, ինչի կապակցությամբ ԱԻՆ-ը անմիջապես սկսել է համապատասխան հետաքննությունը. այս մասին Azeri Daily-ին հայտնել են Ադրբեջանի արտակարգ իրավիճակների նախարարության լրատվական ծառայությունից:

Նախարարության տվյալներով՝ նախաքննության ընթացքում պարզվել է, որ նավթի և գազի արտադրության օբյեկտներում, արդյունաբերական և տրանսպորտային այլ ենթակառուցվածքներում արտակարգ իրավիճակներ չեն եղել:

Երկուշաբթի, վաղ առավոտյան, Կասպից ծովում հետախուզական թռիչքներ են սկսվել նախարարության ավիացիոն ջոկատի ուղղաթիռի ներգրավմամբ: Թռիչքի ընթացքում պարզվել է Դաշլը կղզում, ափից մոտ 30 կիլոմետր հեռավորության վրա ցեխոտ հրաբխի ժայթքման փաստը:

Ներկայումս հրաբխի խառնարանում կա համեմատաբար փոքր կրակ: Հրաբուխը վտանգ չի ներկայացնում ծովային նավթագազային ենթակառուցվածքների ու այլ օբյեկտների, ինչպես նաև մարդու կյանքի համար. նշել են ադրբեջանական գերատեսչությունից։