Բելառուսը և Ռուսաստանը կդիմանան Արևմուտքի գրոհներին. Լուկաշենկո

Բելառուսը և Ռուսաստանը ոչ միայն կդիմանան Արևմուտքի գրոհներին, այլև դրանք կօգնեն համագործակցության ամրապնդմանը: Այս մասին Բելառուսի Հանրապետության նախագահ Ալեքսանդր Լուկաշենկոն ասել է Բելառուսի և Ռուսաստանի տարածաշրջանային VIII ֆորումի լիագումար նիստում. տեղեկացնում է BelTA- ն:

Լուկաշենկոն Վլադիմիր Պուտինին շնորհակալություն է հայտնել դժվար ժամանակահատվածում Բելառուսին հասարակական աջակցության համար, հատկապես՝ երկրում իրավիճակն ապակայունացնելու և տնտեսությունը տապալելու փորձերի ֆոնին:

Բելառուսի ղեկավարը հայտնել է, որ այս հարցը քննարկվել է նաև հինգշաբթի երկու երկրների ղեկավարների հեռախոսազրույցի ընթացքում:

«Եզրակացությունը, որին մենք հանգեցինք զրույցի արդյունքներով՝ մենք պարզապես ոչ միայն կդիմանանք մեր պետությունների դեմ ձեռնարկված հարձակումներին: Մենք օգտագործում ենք այս պահը տնտեսական համագործակցությունն ամրապնդելու և մեր պետությունները բացարձակապես անկախ դարձնելու համար, ոչ միայն՝ տնտեսական առումով: Սա մեր բանակցությունների եզրահանգումն է»,- ասել է Բելառուսի ղեկավարը: