Նաև ՀՅԴ Հայ դատի Եվրոպայի գրասենյակի ջանքերով է ռազմագերիների հարցը վերջապես քննարկվելու Եվրախորհրդարանում՝ մայիսի 20-ի լիագումար նիստում. Գ. Ղուկասյան

 ՀՅԴ Բյուրոյի Հայ դատի կենտրոնական գրասենյակի հատուկ ծրագրերի պատասխանատու, քաղաքագետ Գևորգ Ղուկասյանը  ֆեյսբուքյան իր էջում  գրում է. 

Հայտնում ենք, որ նախորդ ամիսների ծավալուն աշխատանքի արդյունքում, որում կարևոր ներգրավվածություն է ունեցել ՀՅԴ Հայ դատի Եվրոպայի գրասենյակը, հայ ռազմագերիների հարցը վերջապես քննարկվելու է Եվրոպական խորհրդարանում՝ վերջինիս մայիսի 20-ի լիագումար նիստի ընթացքում։ Նախատեսված է հրատապ բանաձևի (urgent resolution) ընդունում։ Հարկ է նշել, որ այս արդյունքին հնարավոր է եղել հասնել Եվրոպական Միությունում ՀՀ ներկայացուցչության արդյունավետ գործողությունների շնորհիվ նաև։ Բանաձևի նախագիծը մշակման փուլում է և դեռևս հասանելի չէ։ Հայ գերիների ազատ արձակման հարցով միջազգային ճնշում ապահովելը չափազանց կարևոր նշանակություն ունի, և այդ հարցով մեր սահմանափակ թվով գործիքներից մեկն է։