Բրիտանական անօդաչու սարքը վթարի է ենթարկվել Լիմասոլի մերձակայքում

Աշնանը Ակրոտիրիում (հունապատկան կղզիներից) տեղի էր ունեցել ավիավթար, որում ներգրավված էին անգլիական բանակի անօդաչու թռչող ինքնաթիռներ: Դեպքի մասին տեղեկությունները կիպրական հասարակությունից թաքցրել էին մինչև դեկտեմբերի 28-ը:

Դեպքը տեղի է ունեցել հոկտեմբերի 14-ին: Անօդաչու թռչող սարքը կործանվել է բրիտանական անկլավում: Օդանավի երկարությունը 6,5 մետր է եղել, կշռել է մոտ կես տոննա:

Բրիտանացիները որոշել էին Կիպրոսի հասարակությանը չտեղեկացնել վտանգավոր միջադեպի մասին, բայց երեկ ստիպված են եղել խոստովանել: Հարցին, թե ի՞նչ է տեղի ունեցել, զինվորականները պատասխանել են, որ տեղեկությունը ճիշտ է, սակայն հրաժարվել են մեկնաբանել կատարվածը՝ վկայակոչելով հետաքննությունը:

Հոկտեմբեր ամսվա կեսերին բրիտանացիները Կիպրոսում փորձարկել էին նոր մարտական համակարգեր, ներառյալ՝ վերջին սերնդի անօդաչու թռչող սարքեր: Դրանք ամենաժամանակակից ռազմական անօդաչու թռչող սարքերից են, բայց բնակելի տարածքներում արտակարգ իրավիճակների դեպքում կարող են վտանգ ներկայացնել խաղաղ բնակիչների համար: