Իսպանիայի փոխվարչապետը հոսպիտալացվել է կորոնավիրուսի կասկածով

Երկրի առաջին փոխվարչապետ Կարմեն Կալվոն տեղափոխվել է Մադրիդի հիվանդանոցներից մեկը, քանի որ հնարավոր է՝ վերջինս կորանովիրուսով է վարակվել: Նա թեստ է հանձնել, սակայն արդյունքները դեռ հայտնի չեն. գրում է Reuters-ը՝ կառավարության հայտարարությանը հղումով. հայտնում է Yerkir.am-ը։

Նշվում է՝ ավելի վաղ Իսպանիայի կառավարության երկու անդամների՝ տարածքային  քաղաքականության նախարար Կարոլինա Դարիասի և հավասարության հարցերով նախարար Իրենե Մոնտերոյի մոտ ախտորոշվել էր կորոնավիրուս:

Միևնույն ժամանակ Իսպանիայի թագուհի Լետիցիան գտնվում է մեկուսացման մեջ. նա մարտի սկզբին Մոնտերոյի հետ մասնակցել էր մի միջոցառման։

Հավելվում է նաև, որ կորոնավիրուս է հայտնաբերվել Իսպանիայի վարչապետ Պեդրո Սանչեսի կնոջ՝ Բեգոնյա Գոմեսի մոտ: