ԱՄՆ-ն չի վերադառնա թուրք-սիրիական սահման. Պենտագոն

Ամերիկացի զինվորականները մտադիր չեն վերադառնալ թուրք-սիրիական սահման. այս մասին հայտարարել է ԱՄՆ Պաշտպանության նախարար Մարկ Էսպերը:

«Տվյալ պահին ես չեմ տեսնում սահման վերադարձի ոչ մի հնարավորություն», -  ըստ al-monitor.com կայքի՝ ԱՄՆ Ներկայացուցիչների պալատում հայտարարել է Էսպերը:

Ըստ նրա՝ Պենտագոնը նախկինի պես կենտրոնացած է Սիրիայի արևելքում ահաբեկչական «Իսլամական պետություն» խմբավորման վերացման վրա: Որպես Սիրիայի ամենախնդրահարույց շրջան՝ Էսպերը նշում է Իդլիբը, որտեղ բախվում են հակամարտության տարբեր կողմերի շահերը:

«Ոչ մի խոսակցություն չկա մեր՝ սիրկական քաղաքացիական պատերազմին մասնակցելու մասին: Մենք կարծում ենք, որ լավագույն ճանապարհը տեղի ունեցող քաղաքական գործընթացն է», - նշել է Էսպերը:

Հիշեցնենք, որ ԱՄՆ-ն Սիրիայի հյուսիսից հեռացել էր 2019 թ. հոկտեմբերին, որից անմիջապես հետո Թուրքիան սկսեց «Խաղաղության ակունք» ռազմական գործողությունը: