ՊՆ-ն առաջարկում է վերաբացել բանակային մարզական ակումբները

Պաշտպանության նախարարությունը խորհրդարան է ներկայացրել նախագիծ, որը թույլ է տալիս վերաբացել բանակի մարզական ակումբները։ Ըստ Yerkir.am-ի՝ այս մասին նախագիծն այսօր ներկայացվեց ԱԺ պաշտպանության և անվտանգության հարցերի հանձնաժողով։

ՊՆ նախարարի տեղակալ Գաբրիել Բալայանը նշեց, որ իրենք նախապատրաստվում են զորակոչին, և եթե Ազգային ժողովը հասցնի այս օրենքն ընդունել, ապա արդեն այս զորակոչին այդ բանակային ակումբները կբացվեն։

Խոսքը վերաբերում է օլիմպիական սպորտաձևերին։

Անդռադառնալով տեղերին՝ Բալայանն ասաց, որ դրանք սահմանափակ են լինելու, և նախարարությունն այդ հարցերում խորհրդակցելու է մարզական ֆեդերացիաների հետ։ Իսկ հիմա, ըստ փոխնախարարի, գործում է սպորտային վաշտը։