ԱՄՆ-ը կամ որևէ այլ երկիր Իրանի տարածքի նկատմամբ ագրեսիա կազմակերպելու հանդգնությունը չունի. Իրանի պահակազորի օդատիեզերական ուժերի հրամանատար

Իրանի Իսլ. հեղափոխության պահակազորի օդատիեզերական ուժերի հրամանատար, գեներալ-մայոր Ամիր Ալի Հաջիզադեն ԱՄՆ-ին խորհուրդ է տվել զգուշավորություն ցուցաբերել իր գործողություններում: Նա նշել է, որ ԱՄՆ-ը կամ որեւէ այլ երկիր Իրանի տարածքի նկատմամբ ագրեսիա կազմակերպելու հանդգնությունը չունի. տեղեկացնում է ԻՍՆԱ-ն:

Անդրադառնալով ԱՄՆ ԱԹՍ-ի խոցման դեպքին՝ բարձրաստիճան զինվորականն ասել է. «Միջադեպի հետ կապված ամերիկացիներն ինչպես միշտ անտեսեցին միջազգային օրենքները, եւ տարծքում տեղակայված համապատասխան ստորաբաժնումը կատարեց իր պարտականությունը»:

Ըստ նրա՝ նման կերպ կվարվեր նաեւ որեւէ այլ ստորաբաժանում, եթե տեղակայված լիներ այդ տարածքում:

«Մենք գործել ենք օրենքի սահմաններում: Ամերիկացիները պետք է զգուշավորություն ցուցաբերեն իրենց գործողություններում: Այնպես չէ, որ երկրները ստիպված են մշտապես համակերպվելու նրանց պարտադրանքներին»,- ասել է Հաջիզադեն՝ ընդգծելով ԱՄՆ-ը կամ որեւէ այլ երկիր Իրանի տարածքի նկատմամբ ագրեսի կազմակերպելու հանդգնությունը չունի: