ՀՅԴ ներկայացուցիչները հանդիպել են Սփյուռքի փոխնախարարի հետ

Այսօր  ՀՅԴ Հայաստանի Գերագույն մարմնում  տեղի ունեցավ հանդիպում Սփյուռքի փոխնախարար Բաբկեն Տեր-Գրիգորյանի հետ՝ նրա խնդրանքով։

Հանդիպմանը մասնակցում էին ՀՅԴ Բյուրոյի անդամ Կիրո Մանոյանը, ՀՅԴ ԳՄ անդամներ Արծվիկ Մինասյանը, Լիլիթ Գալստյանը և ՀՅԴ ՄՈՀ գրասենյակի  պատասխանատու Գևորգ Ղուկասյանը։

ՀՅԴ ներկայացուցիչներն իրենց ափսոսանքն ու սկզբունքային ահնամաձայնությունը հայտնեցին կառավարության նոր կառուցվածքի առնչությամբ՝  դարձյալ շեշտելով և ներկայացնելով նախապես հրապարակայնացված իրենց մոտեցումներն ու տեսլականը։ Հատկապես շեշտվեցին քաղաքական, իրավական-ինստիտուցիոնալ և բարոյահոգեբանական այն մարտահրավերներն ու խոչընդոտները, որոնք անարդյունավետ են դարձնելու Սփյուռքի նախարարության փոխարեն վարչապետի աշխատակազմում ստեղծվելիք` Սփյուռքի գործերի գլխավոր հանձնակատարի գրասենյակի գործունեությունը։

Սփյուռքի փոխնախարար Բաբկեն Տեր-Գրիգորյանը ներկայացրեց դեռևս տեսլականի փուլում գտնվող իրենց պատկերացումները ապագա կառույցի առնչությամբ։