Հետ վերցրու այդ խոսքերը. Ավստրալիայի վարչապետը` Էրդողանին

Ավստրալիայի վարչապետ Սքոթ Մորիսոնը Թուրքիայի նախագահ Ռեջեփ Թայիփ Էրդողանի` Գալիպոլիի հաղթանակին նվիրված արարողության ժամանակ արած հայտարարությունները որպես վիրավորանք է որակել և, իր մոտ կանչելով Ավստրալիայում Թուրքիայի դեսպանին, հայտնել իր վրդովմունքը.հայտնում է diken.com.tr կայքը:

Գալիպոլիում (Չանաքքալե) 104 տարի առաջ տեղի ունեցած պատերազմին մասնակցած ԱՆԶԱԿ-ի (Ավստրալիայի և Նոր Զելանդիայի բանակային կորպուս) պարտությունը մատնանշած Էրդողանի հայտարարությունը մեծ վրդովմունք էր առաջացրել Նոր Զելանդիայում և Ավստրալիայում: Այդ նպատալով Մորիսոնն իր մոտ է կանչել թուրք դեսպան Կորհան Քարաքոչին և հայտնել իր բողոքը:

«Կարծում եմ, որ Էրդողանի խոսքերը ավստրալացիների համար շատ ցավալի են, և այսպիսի զգայուն մթնոլորտում նման բաներ ասելը վիրավորական է: Սպասում և պահանջում եմ, որ Էրդողանը հետ վերցնի իր խոսքերը»,-ասել է Ավստրալիայի վարչապետը: