Բողոքի ակցիա՝ Բաղրամյան 26-ի մոտ

Սռավոտյան ՀՀ կառավարության, ապա նաև պաշտպանության նախարարության շենքի առջև բողոքի ակցիա իրականացնող քաղաքացիները հասան Բաղրամյան 26` ՀՀ վարչապետի նստավայր:

Քաղաքացիները, որոնց թիվը մի քանի տասնյակ է, բողոքում են զինկոմիսարիատների օպտիմալացման դեմ: Բանն այն է, որ օպտիմալացման շրջանակներում որոշ մարզային զինկոմիսարիատներ փակվել են, և տվյալ մարզի մի քանի զինկոմիսարիատների փոխարեն մնացել է մեկը: Արդյունքում` բազմաթիվ աշխատակիցներ դարձել են գործազուրկ:

Բողոքի ակցիայի մասնակիցները պահանջում են հանդիպում ՀՀ վարչապետ Նիկոլ Փաշինյանի հետ:

Նշենք, որ այսօր զինկոմիսարիատների օպտիմալացման հարցով խորհրդակցություն է տեղի ունեցել ՀՀ պաշտպանության նախարար Դավիթ Տոնոյանի մոտ: Նախարարը հանձնարարական է տվել շարունակել օպտիմալացման հայեցակարգի իրականացմանն ուղղված աշխատանքները: Միևնույն ժամանակն Դավիթ Տոնոյանը հանձնարարել է մեկշաբաթյա ժամկետում իրեն ներկայացնել համապատասխան առաջարկներ և լուծումներ անձնակազմի` աշխատանքով ապահովման խնդիրների վերաբերյալ: