Ականի պայթյունը տեղի է ունեցել Մարտակերտի Նոր Ղազանչի գյուղի հարակից տարածքում

Այսօր առաջ արտակարգ ու ողբերգական դեպք է տեղի ունեցել Արցախում։ Մարտակերտ քաղաքի հարեւանությամբ գտնվող չեզոք գոտում «Նիվա» մակնիշի ավտոմեքենան ականի վրա պայթել է, ինչի հետեւանքով կա 3 զոհ և 2 վիրավոր։ Զոհերն ու վիրավորները HALO Trust-ի աշխատակիցներ են:

Ստեփանակերտի հիվանդանոցից Yerkir.am-ի հետ զրույցում նշել էին, որ պայթյունի հետևանքով տարբեր վնասվածքներ են ստացել երկու տղաներ, երկուսին էլ վիրահատում են:

Արցախի առողջապահության նախարարության հայտարարության համաձայն՝ դեպքը տեղի է ունեցել Մարտակերտի շրջանի Նոր Ղազանչի գյուղի հարաից տարածքում: «Գարիկ Ղահիրյանն ընդունվել է 11:00-ին ծայրահեղ ծանր վիճակում, այս պահին վիրահատվում է: Արամ Մկրտչյանն  ընդունվել է 11:15-ին կայուն ծանր վիճակում, նույնպես վիրահատվում է»,- ասվում է հաղորդագրության մեջ: