Դեղձուտի գործող գյուղապետը «լրագրող է բերել» մրցակցի դեմ

 Ինչպես արդեն տեղեկացրել էինք, այսօր ՀՀ 4 մարզերի 317 համայնքներում ՏԻՄ ընտրություններ են: Դեղձուտ համայնքում դեղձուտցիներն ընտրում են գյուղապետ: Համայնքի գործող ղեկավար, ՀՀԿ-ական Յուրիկ Մուրադյանն արդեն երրորդ անգամ է ցանկանում ղեկավարել գյուղը: Նշենք, որ նրա միակ մրցակիցը երիտասարդ անկուսակցական Հովիկ Նազարպուրն է:

Գյուղացիները նշում են, որ գործող ղեկավարը հոգեբանական տարբեր ճնշումներ է բանեցնում իրենց վրա, մինչեւ անգամ գործող գյուղապետի կողմից գումար բաժանելու շշուկներ կան: Իսկ այսօր` ընտրությունների օրը` մայրաքաղաքից լրագրողական խումբ է բերել գյուղ:

Նշենք, որ այս կերպ փորձում է հոգեբանական ազդեցություն թողնել, թե իրավիճակի տերն ինքն է: Մրցապայքարի ընթացքում այստեղ արդեն մի քանի անգամ թեթեւ լարում է առաջացել:

Yerkir.am-ը շարունակելու է հետեւել ընտրությունների ընթացքին: