Մոսկվան մերժում է Թուրքիայի առաջարկը

Ռուս-թուրքական հարաբերություններում ծագած խնդիրները կարող է լուծել միայն  թուրքական ղեկավարությունը. հայտարարել է ՌԴ նախագահ մամուլի քարտուղար Դմիտրի Պեսկովը:

Ըստ Интерфакс-ի` մեկնաբանելով Թուրքիայի ԱԳ նախարար Մևլութ Չավուշօղլուի` հարաբերությունները վերականգնելու նպատակով աշխատանքային խումբ ստեղծելու առաջարկը` Պեսկովն ասել է. «Կարծում եմ, որ այդ խոսքերին պատասխանը կարելի է գտնել ՌԴ նախագահ Վլադիմիր Պուտինի հայտարարություններում, որոնք նա արել էր նախօրեին: Նախագահ Պուտինը բավական հստակ նշեց մեր դիրքորոշումը: Նա ասաց, որ, անշուշտ, կարգավորման տարբերակներ գտնելու համար որոշ շփումներ կան»:

ՌԴ նախագահի մամուլի քարտուղարը հավելել է. «Սակայն ոչ մի աշխատանքային խումբ չի կարող լուծել այդ խնդիրը, ի վիճակի չէ: Դա կարող է անել միայն թուրքական ղեկավարությունը, որից, անշուշտ, Մոսկվան սպասում է այնպիսի գործողություններ, որոնց մասին ասել էր Պուտինը Աթենքում»: