Հայոց ցեղասպանության ականատեսները՝ Լոս Անջելեսի զբոսայգում

Հայոց ցեղասպանության հարյուրերորդ տարելիցին նվիրված յուրօրինակ ցուցահանդես կկազմակերպվի ԱՄՆ Լոս Անջելես քաղաքում: Ապրիլի 25-ից Լոս Անջելեսի «Գրանդ» զբոսայգում «Ականատես» խորագիրը կրող ցուցահանդեսի շրջանակներում միմյանց հետ կապակցված ոչ համաչափ հուշարձանների վրա եռաչափ գրաֆիկայով կպատկերվեն Ցեղասպանությունից ողջ մնացածների լուսանկարները, գրում է massispost.com-ը:

Հուշարձանները չեն ունենալու ուղիղ անկյուններ, ինչը խորհրդանշելու է անհավասարակշիռ աշխարհը, որում միշտ առկա են պատերազմի, էթնիկ զտման և ցեղասպանության սպառնալիքները: Նկարներն ունենալու են 8-15 ոտնաչափ բարձրություն: Ցուցադրությունը տեւելու է 1 ամիս:

Գաղափարի հեղինակներն են Արա Օշականը և Լևոն Պարյանը, ինչպես նաև ճարտարապետ Վահագն Թովմասյանը: