Էրդողանին հայի նմանեցնելը RTÜK -ը «անպարկեշտ մեղադրանք» է որակել

Թուրքիայի Ռադիոհեռուստաընկերությունների բարձրագույն խորհուրդը (RTÜK) նախագահական ընտրություններին ընդառաջ Ռեջեփ Թայիփ Էրդողանի՝ իրեն հայի նմանեցնելու վերաբերյալ սկանդալային հայտարարությունը որակել է բնական, իսկ Էրդողանին հայի նմանեցնելը՝ «անպարկեշտ մեղադրանք»: Փաստորեն, ետ չի մնում Էրդողանից:

Ըստ Medyaradar-ի՝ բարձրագույն խորհուրդը հայտնել է, որ հեռարձակման մեջ ոչ մի խախտում չկա՝ արդարացնելով Էրդողանի խոսքերը եւ պնդելով՝ իբր նա նման կերպ է արտահայտվել՝ «նախքան այդ իրեն ուղղված անվայել մեղադրանքները հիշեցնելու և առանց հաճոյանալու քաղաքականություն վարելու համար», այլ ոչ թե հայերին վիրավորելու նպատակով:

Նիստի ժամանակ այս արդարացումը դրվել է քվեարկության, սակայն թեեւ դրան դեմ են եղել ընդդիմադիր կուսակցության անդամները, այն ընդունվել է, քանի որ անդամների մեծամասնությունը իշխող կուսակցության համակիրներ են: