Մեդվեդեւը Հայաստան չի գա. պաշտոնական

ՌԴ վարչապետ Դմիտրի Մեդվեդեւը Հայաստան չի գա: Այս մասին, Yerkir.am-ի հարցին ի պատասխան, հայտնեց վարչապետ Հովիկ Աբրահամյանը:

Հիշեցնենք, որ վերջերս Հովիկ Աբրահամյանը հայտարարել էր, թե, նախնական պայմանավորվածության համաձայն, Մեդվեդեւը սեպտեմբերի 8-9-ը կլինի Հայաստանում:

«Պայմանավորվածություն կար, որ վարչապետերը այցելեն Հայաստան, բայց հիմա հարցը տեղափոխվել է նախագահների դաշտ: Ինչպես գիտեք, Նազարբաեւը հայտարարել է, որ հոկտեմբերի 10-ին նախագահները հավաքվելու են Մինսկում»,- ասաց Հովիկ Աբրահամյանը:

Մեր այն դիտարկմանը, թե Նազարբաեւը չի բացառել, որ Ղազախստանը կարող է դուրս գալ ԵՏՄ-ից, Հովիկ Աբրահամյանը չցանկացավ անդրադառնալ: