ԴԱՀԿ աշխատակիցները ապօրինի գործողություններ են կատարում համալիրում. փաստաբան

«Ամբողջ ԴԱՀԿ-ն էստեղ է, ոչ մեկի չեն թողնում ներս մտնել: Որոշում դեռ չեմ ստացել, բայց իմ կարծիքով վտարում են»,- Yerkir.am-ի հետ զրույցում ասաց Մարզահամերգային համալիրի գործով փաստաբան Արմինե Հակոբյանը:

Նա նշեց, որ վտարման կամ այլ գործողություններ կատարելու վերաբերյալ որոշումը պետք է հանձնվի Մարզահամերգային համալիրի տնօրեն Հարություն Մուրադյանին, իսկ նա ներկայումս նույնիսկ Երևանում չէ:

Փաստաբանի խոսքով, ԴԱՀԿ-ի գործողությունները անօրինական են. երեկ ավարտվել է համալիրի հերթական աճուրդը և որևէ առաջարկ չի եղել:

Հիշեցնենք, որ քիչ առաջ ՄՀՀ-ից հաղորդագրություն է տարածվել, որում նշվում է հետևյալը. «ԴԱՀԿ ծառայության աշխատակիցները ներխուժել են մարզահամերգային համալիր եւ առանց հիմնավորումների համալիրի աշխատակիցներին դուրս են հրավիրում շենքից: Այս ամենը հետեւանք է Տիգրան Սարգսյանի կառավարության ժամանակ բյուջեից շուրջ 25 մլն ԱՄՆ դոլարի՝ ՄՀՀ-ին փաստորեն չտրամադրված վարկի շուրջ մութ պատմությունը քողարկելու»: