Մեկնարկել է բռնցքամարտի պատանիների և երիտասարդ աղջիկների Եվրոպայի առաջնությունը

Այս օրերին Իտալիայի Ասսիսի քաղաքում կայանում է բռնցքամարտի պատանի և երիտասարդ աղջիկների Եվրոպայի առաջնությունը: Մարզիչ Արման Հարությունյանի գլխավորությամբ՝ Եվրոպայի առաջնությանը մասնակցում են նաև Հայաստանի երկու ներկայացուցիչներ՝ 48 կգ քաշային Ֆրիդա Սարգսյանը և 57 կգ քաշային Անի Հովսեփյանը:

Երեկ 48 կգ քաշային Ֆրիդա Սարգսյանը իր առաջին մենամարտում զիջել է իտալացի Գիոիա Գիուսուն և դուրս մնացել հետագա պայքարից: Վաղը պայքարի մեջ կմտնի նաև 57 կգ քաշային Անի Հովսեփյանը, ում մրցակիցը նույնպես կլինի Իտալիան ներկայացնող մարզուհի: Այս մասին տեղեկացնում է բռնցքամարտի Հայաստանի ֆեդերացիայի մամուլի ծառայությունը: