Սյունիքի մարզպետի համար էլ հաճելի չէ նման իրավիճակը. Կոտայքի մարզպետը` Գորիսի դեպքերի մասին

Կոտայքի նորանշանակ մարզպետ,  բնապահպանության նախկին նախարար Արամ Հարությունյանը, Yerkir.am-ի հետ զրույցում խոսելով Գորիսում պարբերաբար տեղի ունեցող աղմկահարույց պատմությունների և այդ համատեքստում Սյունիքի մարզպետի պատասխանատվության մասին, նշեց. «Անկեղծ ասած` ոչ մեկին չեմ ցանկանա, որ հայտնվի նման վիճակում: Սյունիքի մարզպետի համար էլ հաճելի չի հայտնվել նման իրավիճակների մեջ: Բոլորս պետք է հեռու մնանք նման իրավիճակներից»:

Մեր հարցին` դատապարտո՞ւմ է նման դեպքերը, պատասխանեց. «Ես ինքս դատավոր չեմ, նման դեպքերի համար կա համապատասխան ընթացակարգ, գնահատականները պետք է տան իրավապահները»: Դիտարկմանը, որ իրավապահները հաճախ համարժեք գնահատական չեն տալիս, և դրա օրինակները կան, Կոտայքի մարզպետը պատասխանեց. «Կոռեկտ չեմ համարում հարցը»: