Երկրի իմիջի մասին ենք մտածում. Գալուստ Սահակյան

ՀՀԿ խմբակցության ղեկավար Գալուստ Սահակայնը «Պետական աշխատողների աշխատավարձերի միասնական համակարգի մասին» օրենքի նախագծի վերաբերյալ խմբակցության դիրքորոշումը հայտնելիս ասաց, որ խմբակցությունը կողմ է քվեարկելու:

«Թող բարձրանա պատգամավորների աշխատավարձը, իրենք էլ թող աշխատավարձերի մի մասն ուղղեն որևէ մանկապարտեզի կամ որևէ օգնության, որովհետև չկա պատգամավոր, որ տուն է տանում իր ամբողջ աշխատավարձը»,- ասաց Գալուստ Սահակյանը: Նա հայտարարեց, որ աշխատավարձերի բարձրացումը ուղղված է ոչ թե պատգամավորների, այլ երկրի իմիջի բարձրացմանը, ուստի դա քաղաքական փաստաթուղթ չէ, բայց քաղաքական հետևանք կունենա` դրական իմաստով:

«Պատգամավորները ոչ թե մտածում են իրենց մասին, այլ մտածում են երկրի իմիջի մասին»,- համոզմունք հայտնեց Գալուստ Սահակյանը:

Նշենք, որ ՕԵԿ խմբակցությունը ևս կողմ է քվեարկելու օրենքի նախագծին, քանի որ, ըստ նրանց, դրանով համակարգային խնդիր է լուծվելու, կանոնակարգվելու է դաշտը: