"Արմմոնո"-ին մասնակցելու համար Հայաստան են ժամանել 4 լեհ դերասաններ

Այսօր կմեկնարկի «Արմմոնո» փառատոնը, որն այս տարի լեհական ուղղվածություն ունի:

Վրոցլավի մոնոփառատոնի ղեկավար Վեցլավ Գերասը լրագրողների հետ հանդիպման ժամանակ նշեց, որ ապրիլի 29-ին Երեւանի թատրոնի եւ կինոյի պետական ինստիտուտում դասախոսություն կկարդա ժամանակակից լեհական թատրոնի եւ մոնոներկայացումների մասին:

«Շուտով Վրոցլավում տեղի կունենա մոնոներկայացումների 47-րդ փառատոնը, եւ ես այս ընթացքում մեր կուտակած փորձը կփոխանցեմ ձեր ուսանողներին»,- ասաց Գերասը:

Նա նշեց նաեւ, որ իրենք Վրոցլավում մշտապես հյուրընկալում են հայ դերասանների, ինչի մասին անգամ գիրք է հրատարակվել:

Փառատոնին մասնակցելու համար Լեհաստանից ժամանել է 4 դերասան, որոնց ներկայացումները Լեհաստանում, մասնակցելով մի շարք փառատոների, արժանացել են բազմաթիվ մրցանակների: Ներկայացումների մուտքն ազատ է լինելու: