Բարբարոսներն արմատախիլ են արել Պլատոնի ձիթենին

Ձիթենին, որի ստվերում իր աշակերտներին մ.թ.ա. 5-րդ դարում գիտելիքներ էր հաղորդում մեծ հույն փիլիսոփա Պլատոնը, անցյալ գիշեր արմատախիլ է արվել: Ըստ ավանդության` այն Պլատոնի ակադեմիայի 12 ձիթենիներից մեկն էր, որոնք իբր աճել էին Աթենքի հովանավոր Աթենաս աստվածուհու ձիթենու ճյուղից:

Ծառը լուրջ վնասվել էր 1970-ականների կեսին, երբ կառավարումը կորցրած ավտոբուսը բախվել էր դրան: Ճեղքված բունը սղոցել էին եւ տեղավորել հատուկ ցուցափեղկում, իսկ հողում մնացած հզոր արմատներից կանաչ շիվեր էին դուրս եկել:

Մասնագետների կարծիքով` բարբարոսները մի քանիսն են եղել. արմատը 250-350 կիլոգրամ էր կշռում, եւ մեկ մարդ չէր կարողանա այն հանել հողից ու տանել. տեղեկացնում է РИА Новости-ն: