Եկեղեցին չեզոք է լինելու

Ռուսաստանի պատրիարք Կիրիլը Համառուսական ազգային տաճարի բացման ժամանակ հայտարարել է, որ Ռուսական Ուղղափառ եկեղեցին խորհրդարանական ընտրություններին ոչ մի քաղաքական ուժի չի աջակցելու:

«Մենք քաղաքական իրադարձություններով լեցուն տարի ենք անցկացնելու: Ռուսաստանը կանգնած է շատ պատասխանատու ընտրությունների առջեւ, եւ դրանց արդյունքը առաջիկա տարիներին կարեւոր նշանակություն է ունենալու երկրի համար»,- ասել է պատրիարքը:

Ինչպես տեղեկացնում է «Ինտերֆաքսը», նա նշել է նաեւ, որ թեեւ այդ ընտրությունները խիստ կարեւոր են երկրի համար, սակայն եկեղեցին որեւէ մտադրություն չունի ներգրավվելու քաղաքական պայքարում, այն փորձելու է հավասարապես երկխոսության մեջ լինել քաղաքական բոլոր ուժերի հետ` հանուն հայրենիքին ու ժողովրդին միասնաբար ծառայելու: