9 մեդալ` միջազգային մրցաշարում

Թեհրանում ավարտվեց ձյուդոյի երիտասարդների միջազգային մրցաշարը: Մրցումների 2-րդ օրը արգասաբեր էր Հայաստանի հավաքականի համար:

55 կգ քաշային կարգում վանաձորցի Գարիկ Հարությունյանը նվաճեց չեմպիոնի տիտղոսը, նույն քաշային կարգում երևանցի Արտյուշա Այդինյանը բավարարվեց բրոնզով:

60 կգ քաշային կարգում վանաձորցի Գոռ Հարությունյանը չուներ իրեն հավասարը, իսկ այս կատեգորիայի մրցանակային եռյակը սահմանափակեց երևանցի Արսեն Թովմասյանը:

66 կգ քաշային կարգում վանաձորցի Դավիթ Ղազարյանը նվաճեց ոսկե մեդալ, իսկ նույն քաշային կարգում հրազդանցի Վասպուրակ Մկրտչյանը բավարարվեց բրոնզով:

73 կգ քաշայինների պայքարում արմավիրցի Հովհաննես Սերոբյանը կանգնեց պատվո 3-րդ հարթակին:

Ընդհանուր հաշվարկով` մեր հավաքականը նվաճեց 4 բրոնզ, 2 արծաթ, 3 ոսկի: