Հարավային Սուդանն անկախանում է

Հարավային Սուդանի անկախության վերաբերյալ հունվարյան հանրաքվեի արդյունքներով` բնակչության 99 տոկոսը կողմ է անկախությանը: Այսօր ներկայացվել են հանրաքվեի վերջնական պաշտոնական տվյալները, նշվել է, որ Հարավային Սուդանի անկախության մասին կհայտարարվի հուլիսի 9-ին. տեղեկացնում են ռուսաստանյան լրատվամիջոցները:

Հարավային Սուդանի գլխավոր քաղաքի` Ջուբայի փողոցներում հազարավոր մարդիկ տոնում են աշխարհի քարտեզի վրա նոր պետության ի հայտ գալու փաստը: Սակայն երկրի հարավի եւ հյուսիսի միջեւ դեռեւս չկարգավորված խնդիրներ կան, մասնավորապես` սահմանների եւ նավթից ստացված շահույթի բաշխման հարցերը:

Սուդանի հարավային շրջանները հիմնականում բնակեցված են քրիստոնյաներով, հյուսիսը` մահմեդականներով: