ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Գերասը կամերան էլ է տարել

Գյուղատնտեսության նախարարություն գործուղված ՕԵԿ-ական Գերասիմ Ալավերդյանը «տարվա նախարար» տիտղոսին արժանացավ այն պատճառով, որ հեռանալիս իր հետ տարավ կաբինետի եւ հանգստի սենյակի հեռուստացույցները, որոնք դեռ նախորդի` դաշնակցական  Արամայիս Գրիգորյանի օրոք էին հայտնվել այդտեղ, սակայն նա չէր էլ մտածել իր հետ տանել իր հեռուստացույցները:

Ինչպես երեւում է` նախարարությունը լավ է պրծել, որովհետեւ Գերասիմը նախկին աշխատավայրից իր հետ մի  բան տանելու հին սովորություն ունի: Մեր տեղեկություններով` Վերահսկիչ պալատում աշխատելու տարիներին նրան տրվել է կինոխցիկ, որպեսզի անհրաժեշտության դեպքում նա տեղնուտեղը նկարահանի օրենքը խախտողին եւ իրեղեն ապացույցներ ներկայացնի իր վերադասին:

Գործից ազատվելիս, սակայն, Գերասիմը ոչ մի կերպ չի համաձայնել վերադարձնել պետական գույք համարվող «կամերան»: ԱԽՔ-ին խորհուրդ է տրվում է, այս նկատառումներից ելնելով, նրան թողնել կադրերի տրամադրության տակ: