Սաուդյան Արաբիան Բրիտանիայի իշխանություններին խնդրել է հարվածներ հասցնել Իրանի ռազմական օբյեկտներին

Սաուդյան Արաբիայի  հետախուզության ղեկավարը Բրիտանիայի իշխանություններին խնդրել է սահմանափակ հարվածներ հասցնել Իրանի ռազմական օբյեկտներին մի քանի ժամ անց, երբ ԱՄՆ նախագահ Դոնալդ Թրամփը չեղարկել էր ավիահարվածները. տեղեկացնում է Tasnim-ը՝ վկայակոչելով բրիտանական իրազեկ աղբյուրին:

Ըստ Middle East Eye-ի՝ հետախուզության ղեկավարին ուղեկցել է Էր Ռիադի ԱԳ նախարարը:

Անանուն մնալ ցանկացող աղբյուրը հաղորդել է, որ Սաուդյան Արաբիայի ներկայացուցիչների բոլոր խնդրանքներն անպատասխան են մնացել: Էր Ռիադի հետախուզության ղեկավարն իր բրիտանացի գործընկերներին ցույց է տվել Օմանի ծոցում լցանավերի հետ կապված հարձակումների վերաբերյալ հետախուզական տվյլաներ, սակայն այդ ամենը տպավորիչ չեն եղել բրիտանացիների համար: ըստ նույն աղբյուրի՝ դրանից հետո Սաուդյան Արաբիայի հետախուզության ղեկավարը ուղևորվել է Իսրայել, որտեղ, հավանաբար, քարոզչամեքենան կգործադրի Իսրայելի ներկայացուցիչների և Իսրայել ժամանող ԱՄՆ ազգային անվտանգության խորհրդական Ջոն Բոլթոնի հետ: