Ռուդոլֆ Խառատյանին ցանկանում են հանե՞լ աշխատանքից

Արդեն մի քանի օր է՝ օպերայի եւ բալետի թատրոնի գլխավոր բալետմայստեր Ռուդոլֆ Խառատյանը թատրոն չի գնում:

Yerkir.am-ի հետ զրույցում Ալ. Սպենդիարյանի օպերայի և բալետի ազգային ակադեմիական թատրոնի փոխտնօրեն Սուրեն Աղաբաբյանը նշեց, որ իրենք խոսել են Խառատյանի հետ, և նա տեղեկացրել է, որ հիվանդ է:

«Ինչպես մեզ հավաստիացրեց, առողջական խնդիրների պատճառով էլ չի գալիս թատրոն: Բնականաբար, երբ կգա, իր անաշխատունակության թերթիկն էլ կներկայացնի, կխոսենք իրար հետ»,- ասաց նա:

Հարցին, թե ճի՞շտ են տեղեկությունները, որ ստորագրահավաք է իրականացվում` Խառատյանին աշխատանքից ազատելու համար, Աղաբաբյանը պատասխանեց. «Չկա նման բան, ի՞նչ ստորագրահավաք»: